Asal aynishi

Asal aynishiga qo’yidagilar sabab bo’lishi mumkin:

1. Asal vaqtidan oldin, pishib yetilmagan holida yig’ib olingan va tarkibidagi namlik miqdori me’yoridan yuqori bo’lsa. Pishib yetilgan asal nima va undagi namlik miqdori asal aynishiga qanday ta’sir qiladi? Buni tushinish uchun avvalo asal yig’ish jarayonini boshidan boshlab ko’rib chiqish kerak. Shunday qilib asalarilar o’simliklardan nectar (sharbat) yig’ib kelishadi va tarkibida 60% namlik (suv) bo‘lgan nektarni asalga aylantirishadi. Bu jarayon nektarni fermentlar bilan to’yintirish, qayta ishlab uyachaga quyish va bir necha kun davomida namlikni bug’lantirishdan iborat. Asal tayyor bo‘lgan vaqtda uning namligi yoki undagi suv miqdori 14% — 21% darajaga yetadi va bu me’yor hisoblanadi. Shundan kiyingina asalarilar asal quyilgan uyachani mum bilan qoplashadi va bu yetilgan asal hisoblanadi. Pishib yetilgan asal bu nektarning asalga aylanishda hamma jarayonlardan o’tgan va namlik miqdori 14% dan 21% gacha bo‘lgan mahsulotdir.

Agar asalarichi asalni pishib yetilishini kutmasdan yig’ib olgan bo’lsa undagi namlik miqdori 21% dan ko’p bo’lib bu asalni achishiga olib keladi. Asal yig’ib olingandan so’ng 1-3 oy davomida kristallana boshlaydi va qatlam hosil qilishi mumkin.

• Asal kristallanish davomida namlik miqdori 19-21% bo’lganda saqlanayotgan idish yuzasida 1-2 sm bo‘lgan suyuq asal, ta’mi bir oz achchiq ammo hech qanday uzgarishsiz va asosiy massasi bir turdagi holda aynish belgilari yo’q. Bunday asal istemolga yaroqli va 19-21% namlik normal holatdir.

Namligi 19-21% bo’lgan asalda qatlam hosil bo’lishi odatiy holatdir

  • Pishib yetilmagan asalning tarkibidagi namlik 21% dan yuqori bo’lib asal saqlanayotgan idish yuzasida suyuqlik kundan kunga ko’payib boradi va asosiy massaning yarmigacha teng bo’ladi. Keyinchalik yuqori qatlamda ko’pik hosil qilib, asal tami ayniganligi bilinishi va tarkibi bir hil bo’lmagan aralash holga keladi. Bu aynigan asal bo’lib u istemolga yaroqsizdir.

мёд забродил       

  • Agar asalni saqlash qoidalariga rioya qilinmagan bo’lsa va noto’g’ri saqlanganda asal aynib qolishi mumkin. Yaxshi sifatli asalda ham aynish kuzatiladi, chunki asal gigroskopik yani namlikni o’ziga tortuvchi mahsulot. Aynan namlik asalni aynishiga olib keladi. Shuning uchun doimo asal yopiq idishda saqlanishi kerak.

Javob berish

E-pochta manzilingiz chop etilmaydi. Majburiy ma'lumotlar * bilan belgilangan